Himlaleite er lokalisert på Sand i Suldal kommune, heilt nordaust i Rogaland. Vi ligg om lag to timar frå Stavanger med hurtigbåt, midt mellom Preikestolen og Trolltunga. Med bil tar det to timar frå Haugesund, fire timar frå Bergen, og seks timar frå Oslo.
Himlaleite er eit verdibasert selskap som ynskjer å vera eit alternativ til den tradisjonelle aktivitetsturismen. Vi driv ikkje i underhaldnings- eller event-bransjen og tilbyr ikkje faste aktivitetsopplegg for passive konsumentar. Naturen er ikkje ein stad ein dreg for å bli underhalden, men for å oppleva.
For oss er sporlaus ferdsel eit berande prinsipp. Ingenting ligg att etter oss og vi nyttar ikkje motorisert ferdsel i utmark. Godt naboskap med både grunneigarar, jegarar og andre som nyttar naturen er også viktig. Vi tek omsyn under jakta, og vi respekter verneområde og sårbare artar.
Vi går aldri på akkord med eigen eller andre sin tryggleik i fjellet. Himlaleite har saman med ekspertar på feltet utvikla eit grundig system for sikkerheitsstyring og risikovurdering og har gode rutinar og beredskapsplanar. Ved ynskje om svært utfordrande og teknisk krevjande turar, samarbeidar vi også med sertifiserte tindevegledere.
Respekt og likeverd ligg til grunn for alt me gjer, og hjå Himlaleite er alle trygge og velkomne, uansett kven du er. Vi legg til rette for at alle skal kunne bli med på tur – uansett funksjonsnivå.
Høyrest det interessant ut? Les meir om konseptet vårt, og ta kontakt for ein uforpliktande samtale!