Ideen bak «Himlaleite» er å opne opp Suldals-naturen for tilreisande gjestar, enten dei er på jakt etter den store stilla, dei intense opplevingane eller begge delar.
Vårt mål er å ta folk med inn i naturen som aktive, deltakande og lærande reisande - og ynskjer å legge til rette for at alle skal finna det dei søker, og skape minne for livet. For å få til dette er det viktig for oss og bli kjent med dei som skal bli med oss på tur. Vi startar difor alltid med ein prat kor vi får kartlagt ferdigheiter og erfaringar, forventningar og ynskje, og kjem basert på dette opp med eit turforslag til kvar enkelt gruppe. Korte og lange turar, dagsturar eller turar med overnatting i telt, hytter, snøholer eller under open himmel. Bratte skiturar, eller saktetid ved bålet og svartkjelen. Som turleiarar er det vi som sit med ansvaret for tryggleiken, mat og logistikk, men det er likevel viktig for oss å involvere gjestene i avgjersler som skal tas, og oppgåver som skal løysast. Vi er på tur i lag!
Turen inn til Suldal er ei oppleving i seg sjølv anten ein kjem fjordvegen eller med bil eller buss. Vi bistår gjerne med å finne eigna transport og overnatting når du kjem fram - om du treng det. Vi samarbeider med fleire overnattingsbedrifter, og kan tilby alt frå ankomst til avreise.
Vel framme tek vi ein ny prat, går igjennom dei siste førebuingane, og dreg på tur! For oss i Himlaleite er kortreist kvalitetsmat ein viktig del av turopplevinga, og vi samarbeider med fleire lokalmatprodusentar i regionen. Dessutan har vi med ein fotograf på tur, så du kan legga mobilen att heima!
Ta kontakt for ein prat og eit tilbod!
